დავამთავრე თბილისის სახელმწიფო სამხატვრო აკადემია.
მაქვს 9 წლიანი სამუშაო სტაჟი პრესაში, მხატვარ-დიზაინერად და კარიკატურისტად (ჟურნალ-გაზეთებში: “ოსკარი”, “საბავშვო კარუსელი”, “კვირის პალიტრა”, “ტაბულა”, “TV პროგრამა”, “ნიანგი”, “Georgian Journal”, “მამული”, “JAZZ” “საქართველო და მსოფლიო”, “რეიტინგი” და ა.შ.). ვქმნი საფირმო სტილს (წიგნის, ჟურნალის ილუსტრაციებსა და დიზაინ-დაკაბადონებას; ასევე ლოგოტიპებს; ბლანკებს; სავიზიტო ბარათებს; კონვერტებს; ბილბორდებს; პლაკატებს; სტიკერებს; CD დისკების დიზაინს და ა.შ.)
დასურათებული მაქვს IX კლასის ანატომიის სახელმძღვანელო (გამომცემლობა “ტრიასი”), ასევე სხვადასხვა გამომცემლობასთან მაქვს ნამუშევარი მსგავსი ტიპის შეკვეთებზე, მათ შორის გაფორმებული მაქვს საბავშვო წიგნები, ილუსტრაციებით...
შევქმენი რამოდენიმე ცნობილი პერსონაჟი _ ჟურნალებისთვის: “კარუსელი” და “ოსკარი”. გამოცდილება მაქვს საიტების დიზაინის შექმნის კუთხით.
აქტიურად ვმოღვაწეობ მულტფილმების მიმართულებითაც, უფრო კონკრეტულად კი ანიმაციურ სტუდია “Velocipede”-ში, რომელიც მე და გიორგი მარშანიამ (რეჟისორი, სცენარისტი, მსახიობი, იუმორისტი.) ჩამოვაყალიბეთ 2013-წელს. გავიმარჯვეთ კინოცენტრის კონკურსში, ანიმაციების განვითარების მიმართულებით, საბავშვო პროექტით “დათუნია დრუნჩა”. ვმუშაობთ სხვადასხვა სტილში, შეკვეთები არის როგორც საქართველოდან ასევე საზღვარგარეთიდან. პორტფოლიოში გვაქვს რამდენიმე ცნობილი პროექტიც. ნამუშევარი მაქვს საფესტივალო პროექტებზე, მულტიპლიკაციური სახის მინი სარეკლამო რგოლებზე; Flash-ბანერებზე. (ძირითადი სამუშაოს შესრულება ხდება გრაფიკული პლანშეტის (დიჯიტაიზერის) მეშვეობით.)
ვიყავი ფოტო-ანიმაციის ლექტორი, /Stop-Motion/ მიწვევით ს.ზაქარიაძის სახელობის ხელოვნების სასწავლებელში (2009-2010-ში).
მთავარი გრაფიკოსი დიზაინერი, სარეკლამო სააგენტო “DG-Group”-ში (2010). მხატვარი-კარიკატურისტი _ ტელეკომპანია Real TV-ში (გადაცემა “18+”). კომიქსების მხატვარი ჟურნალში _ “JAZZ” (ბაქო). მხატვარ-ილუსტრატორი ჟურნალში – “მამული” (ნიუ ჯერსი, ამერიკა.) TV-გადაცემა "ერთხელ საქართველოში", Factcheck.ge
ამჟამად ვთანამშრომლობ ავსტრალიის ერთ-ერთ საიტთან, სადაც 7-მხატვართან ერთად ვიღებ შეკვეთებს, კარიკატურული მიმართულებით – მთელს მსოფლიოდან. (ნახატების შესრულება ხდება ელექტრონულად. Photoshop, CorelDraw, Illustrator...)
კარიკატურების მიმართულებით _ არაერთი გამარჯვება, როგორც საქართველოში აგრეთვე უცხოეთში:
2002 “ოლიმპიადა” - პირველი ადგილი (თბილისი)
2004 “პოლიტიკოსების კარიკატურები” – პირველი ადგილი (თბილისი)
2009 საერთაშორისო კონკურსი “Kim Klijers” – მეორე ადგილი (კალიფორნია)
2013 საერთაშორისო კონკურსი “Etta James” – მეშვიდე ადგილი (ნევადა)
2014 საერთაშორისო კონკურსი „სერგო ზაქარიაძე“ – მეორე ადგილი (კალიფორნია)
KeMo
